◎ 鄭兆祥
阿九先生誠鬱卒，從做總統了後，雖罔「自我感覺良好」，呣過，路愈行愈狹，行情愈來愈bai，今也連候選人都呣願掛和伊做伙翕的看板。看著少年殺手投案以後講的話，總算tshu?著答案矣！
「臺灣政治害了我，人民都不要我的政策。」「臺灣人民害了我，大家都不要我的照片。」「臺灣名嘴害了我，觀眾都不看我的節目。」
唉！「他是一個被放棄的總統！」
人民投票選伊做總統，是愛伊實行家己的政見，照品照行。選舉的時講徦滿天全金條，選椆以後欲捎無半條。講欲予臺灣較好，敢有？講欲予臺灣向前行，煞行對中國去，鎖死佇中國，敢著？
官員貪污、人民自殺、工人失業，臺灣的社會愈來愈無公平，財團愈來愈好額。政策親中、反美反日、無世界觀，臺灣的國際地位愈來愈失去自主性。講in準備好矣，原來是準備欲大嘮！這敢是當初時投票予伊的選民歡喜看著的結局？
規氣，咱臺灣人民原也來共放棄呰款治國無能、痞戲拖棚的低路司啦！臺灣呰隻在佇太平洋頂的航空母艦，顧佇「第一島鍊」的前鋒大門口，換人駛，則袂予帶屎！換人做，臺灣會較好！
呣免等，五都選舉先kiat予行，該當是人民用選票好好仔全面教示國民黨、教示阿九先生的時陣囉！
註：低路司，k?-l?o-sai，低能、不中用的「司傅」。原也，oan-?，也。在佇，tsh?i t?，矗立在。
（作者為臺語教師）
Source: 自由時報／自由廣場
